კომენტარი

გახარიას უწყება ხელს აფარებს ყანდიაშვილის ტროლების ფაბრიკას- ხატია დეკანოიძე

„თიბისი ბანკზე“ მიტანილ კიბერიერიშებს „ერთიანი ნაციონალური მოძრაობის“ წევრი, ხატია დეკანოიძე ეხმაურება:

„ჩვენ გვაქვს საქმე დანაშაულის დაფარვასთან შსს-ს მხრიდან, ვინაიდან გახარიას უწყება ხელს აფარებს ყანდიაშვილის ტროლების ფაბრიკას. შინაგან საქმეთა სამინისტროს გააჩნია ყველა რესურსი, ყველა ინსტრუმენტი იმისთვის, რომ ამ პერიოდის მანძილზე დაედგინა ადგილსამყოფელი, ამოეღო სერვერები და რეალურად ეწარმოებინა სისხლის სამართლის საქმე ობიექტური გამოძიებისთვის, მაგრამ ჩვენ გვაქვს საქმე დანაშაულის დაფარვასთან შსს-ს მხრიდან, ვინაიდან გახარიას უწყება ხელს აფარებს ყანდიაშვილის ტროლების ფაბრიკას, ვინაიდან ყანდიაშვილი თვითონ დაქირავებულია საქართველოს მთავრობის მიერ და საქართველოს მთავრობა ივანიშვილის დავალებით უხდის ანაზღაურებას იმ რუსული მექანიზმით აწყობილ ტროლებს, რომლებმაც განახორციელეს კიბერთავდასხმა თიბისი ბანკზე. ამიტომ, შესაბამისად, არავითარ ობიექტურ გამოძიებაზე საუბარი არ არის,“ - განაცხადა ხატია დეკანოიძემ.

"თიბისი ბანკზე" განხორციელებულ კიბერთავდასხმაზე განცხადება მამუკა ხაზარაძემ საკომიტეტო მოსმენაზე გააკეთა. მისი თქმით, ბანკზე ორკესტრიებულიშეტევა მათ შორის კიბერთავდასხმითაც განხორციელდა, რის შესახებაც საგამოძიებო უწყება საქმის კურსში ჩააყენა, თუმცა, გამოძიება ამ დრომდე წინ არ წასულა.

ხაზარაძის თქმით, ბანკის უსაფრთხოების სამსახურმა შეტევის განეიტრალება მოახერხა და დაადგინა ის IP მისამართები, საიდანაც შეტევა დაიწყო.

ე.წ. ტროლების ფაბრიკა, „კურიერის“ ინფორმაციით, რუსთაველის 12 ნომერში იყო განთავსებული.