კომენტარი

ფუნდამენტური იქნება ანალიზი, თუ რაში დაიხარჯება ის თანხები, რომელიც არის ახლა გამონთავისუფლებული - სერგი კაპანაძე

პარლამენტის თავმჯდომარის მოადგილე, ფრაქცია „ევროპული საქართველო- მოძრაობა თავისუფლებისთვის“ წევრი სამინისტროებისა და ბიუროკრატიული აპარატის შემცირებას მიესალმება.

ამასთან, როგორც პოლიტიკოსმა აღნიშნა, მნიშვნელოვანია მოხდეს ფუნდამენტური ანალიზი იმისა, თუ რაში დაიხარჯება აღნიშნული შემცირებების შედეგად გამონთავისუფლებული თანხები.

„ევროპული საქართველოსთვის“ფუნდამენტურად მნიშვნელოვანი არის და ამას ჩვენ ხშირად ვაცხადებდით, რომ მომხდარიყო სამინისტროების შემცირება და ბიუროკრატიული აპარატის შემცირება. როგორც ჩანს, ამ მიმართულებით ნაბიჯები გადაიდგა. ეს რა თქმა უნდა, მისასალმებელია.

თუმცა, ფუნდამენტური იქნება იმის ანალიზი, თუ რაში დაიხარჯება ის თანხები, რომელიც არის ახლა, ერთი შეხედვით, გამონთავისუფლებული. თუ ეს თანხები დაიხარჯება ახალი სტრუქტურების დაფინანსებაში, რომლის მსგავსი პრემიერმა დაანონსა და რომელიც ბატონ მღებრიშვილს შეუქმნეს, ან დაიხარჯება პრემიების და დანამატების კუთხით - მაშინ არანაირი აზრი ამ შემცირებას არ ექნება.

ამიტომ ფუნდამენტურია, რომ ბიუროკრატიული ხარჯი შემცირდეს და წავიდეს სწორი მიმართულებით. ეს არის სოციალური მიმართულება, გადასახადების შემცირება და ეკონომიკური ზრდა“,-აღნიშნა პოლიტიკოსმა.

მონიკა დავლიანიძე