მსოფლიო

Foreign Policy: რექს ტილერსონს თანამდებობიდან ათავისუფლებენ

ამერიკის პრეზიდენტმა შესაძლოა, სახელმწიფო მდივანი რექს ტილერსონი თანამდებობიდან გაათავისუფლოს.

Foreign Policy აშშ-ს მთავრობაში საკუთარ წყაროზე დაყრდნობით წერს, რომ ტილერსონს გაეროში ამერიკის მუდმივი წარმომადგენელი ნიკი ხეილი შეცვლის.

„გასულ კვირას გაჟღერდა რომ ის მიდის, და ხეილი დაიკავებს მის ადგილს“,-განუცხადეს გამოცემას.

კიდევ რამდენიმე მოქმედმა და ყოფილმა ჩინოვნიკმა გამოცემას განუცხადა, რომ ამგვარი ხმების გავრცელება უკავშირდება იმას, რომ ტილერსონი ბოლო დროს იშვიათად ჩნდება საზოგადოების წინაშე, ასევე მისით არ კეთდება განცხადებები ისეთ საკითხებზე როგორიც არის ირანის მიერ „ბირთვული შეთანხმების“ შესრულება და ჩრდილოეთ კორეის სარაკეტო წვრთნები.

მონიკა დავლიანიძე