მსოფლიო

ფხენიანი ბირთვულ პოტენციალს გაზრდის - განცხადება

ჩრდილოეთ კორეა ბირთვულ პოტენციალს იმ ზეწოლის მიხედვით გაზრდის, რომელიც ამერიკისა და მისი მოკავშირეების მხრიდან წამოვა.

ამის შესახებ ჩრდილოეთ კორეის საგარეო საქმეთა სამინისტროს მიერ გავრცელებულ განცხადებაშია ნათქვამი, - წერს РИА Новости.

„რაც უფრო მეტად მოახდენენ უპრეცედენტო ზეწოლას ამერიკა და სხვა მტრული ძალები, მით უფრო გაიზრდება ზიზღი და შეშფოთება ჩვენი არმიისა და ხალხის მხრიდან. მაშინ კი, უფრო ფორსირებული იქნება ზომები ბირთვული სიძლიერისთვის, რათა აგრესია და ბოროტება იქნას აღმოფხვრილი“,- ნათქვამია განცხადებაში.

ჩრდილოეთ კორეის საგარეო უწყება აღნიშნავს, რომ „ჩრდილოეთ კორეის მიმართ ამერიკისა და მათი ვასალების სანქციები და ზეწოლა ზღვარს გადავიდა“.

საგარეო უწყების ინფორმაციით, ამჟამად ქვეყნის 15 პარტიული და სამთავრობო ორგანო, ასევე 73 კომპანია და 90 ფიზიკური პირი სანქციათა სიაშია შეყვანილი.

მონიკა დავლიანიძე