კომენტარი

ფასების ზრდა დიდად შესამჩნევი არ იქნება - ნუკრი ქანთარია

საპარლამენტო უმრავლესობის წევრის, ნუკრი ქანთარიას განცხადებით, ის სვლები, რასაც დღეს ხელისუფლება ახორციელებს, გარდაუვალია.

როგორც ქანთარიამ პრესკონფერენციაზე აღნიშნა, მთავრობის ეკონომიკური ბლოკის მტკიცებით, რაღაც ეტაპზე შექმნილი კრიზისი დაძლეული იქნება.

„ეს სვლები, რასაც ახლა ხელისუფლება აკეთებს, არის გარდაუვალი, მესმის, რომ აქციზის ზრდა სასიხარულო პროცესი არ არის, მაგრამ ეს აუცილებელია. ჩვენ გვარწმუნებს ეკონომიკური ბლოკი, რომ რაღაც გარკვეულ ეტაპზე შექმნილი კრიზისი დაძლეული იქნება. მე მჯერა, რომ „ქართული ოცნება“ ბოლომდე აცნობიერებს იმ პასუხისმგებლობას, რაც მას ქვეყნის წინაშე აქვს აღებული. ეს ფასების ზრდა დარწმუნებული ვარ, რომ დიდად შესამჩნევი არ იქნება, თუმცა არის საჯარო დაწესებულებები, რომლებიც გადატვირთულია და ერთი ადამიანის პოზიციაზე 5 ადამიანია დასაქმებული, ამიტომ ეს ყველაფერი უნდა მოვიდეს პროპორციაში,“ – განაცხადა ნუკრი ქანთარიამ.

მონიკა დავლიანიძე