კომენტარი

ფარცხალაძემ მითხრა, ოცნების ცისარტყელის გასახსნელად საჭიროა 4 მილიონიო - ზაზა ოქუაშვილი

,,ომეგა ჯგუფის “დამფუძნებელი ზაზა ოქუაშვილი ყოფილ მთავარ პროკურორთან, ოთარ ფარცხალაძესთან პირველ შეხვედრას იხსენებს.

როგორც ოქუაშვილმა რუსთავი 2-ის გადაცემაში ,,აქცენტები" ლონდონიდან ჩართვისას განაცხადა, შეხვედრის დროს ოთარ ფარცხალაძე სავარაუდოდ ნარკოტიკული ნივთიერებების ზემოქმედების ქვეშ იმყოფებოდა, ისევვე როგორც არაფხიზელ მდგომარეობაში იყვნენ მისი თანხმლები პირები, რომლებიც ოქუაშვილის ინფორმაციით, ამავდროულად შეიარაღებულებიც იყვნენ.

ზაზა ოქუაშვილი იხსენებს, რომ სწირედ ამ შეხვედრაზე ოთარ ფარცხალაძემ მას მოსთხოვა 4 მილიონი ლარი.ბიზნესმენის თქმით, მან ფარცხალაძეს უთხრა, რომ მოლაპარაკებებს თავად ივანიშვილთან აწარმოებდა, თუმცა მიღო პასუხი, რომ ყოფილი მთავარი პროკურორიც მისი სახელით საუბრობდა.

„მე ვუთხარი რომ პირდაპირ ბიძინა ივანიშვილთან ვსაუბრობ და უხერხულად არ გამოგივიდესთქო. მე ვუთხარი მე ბიძინას ვესაუბრები, ვუთხარი, რომ დაეჭირა მხარი როგორც სამართლიანობაში, ასევე თავისუფალ ბიზნესში. მან მითხრა რომ ამისთვის საჭიროა 4 მილიონი. აბა მე ვისგან მოვდივარ, მე შენთან მოვიდოდიო? ეს არის ბიძინა, ეს არის უჩა მე მათგან მოვდივარო და ის ოცნების ცისარტყელა, რომელიც იხსნება ამისთვის საჭიროა 4 მილიონიო,“-განაცხადა ზაზა ოქუაშვილმა და აღნიშნა, რომ დიპლომატიური პასუხი გასცა ფარცხალაძეს და არ დაუზუსტებია აპირებდა თუ არა ამ თანხის გადახდას.

მისივე თქმით, ამის შემდეგ საქმეში ჩაერთო ლევან ყიფიანი, რომელიც პერმანენტულად აშინებდა კომპანიის ხელმძღვანელობას.

„ამ დაშინების მიზანი იყო რომ მე ეს 4 მილიონი მიმეტანა,“-განაცხადა ზაზა ოქუაშვილმა.

მისი თქმით, მან ყიფიანს უთხრა, რომ დაელაგებინა ეს სიტუაცია, თუმცა ლევან ყიფიანი წავიდა კვირიკაშვილთან და შემდეგ დაბრუნდა ოთარ ფარცხალაძესთან, ივანიშვილთან მისვლის ნაცვლად.

„გაარჩიეს კვირიკაშვილთან, კვირიკაშვილი ძალიან პატარა კაცი გამოდგა. შემდეგ ივანიშვილმა უთხრა ლევანს, კვირიკაშვილი მოვიდა და ტიროდაო, ჩემი უფროსი ხომ არ გეგონაო,“-განაცხადა ზაზა ოქუაშვილმა.