კომენტარი

„ევროპულმა საქართველომ“ დამადასტურებელი ფაქტები ვერ წარმოადგინა - თეა წულუკიანი

იუსტიციის მინისტრის, უწყებათაშორისი კომისიის თავმჯდომარის თეა წულუკიანის თქმით, „ევროპულმა საქართველომ“მარნეულში მომხდარ ინციდენტთან დაკავშირებით დამადასტურებელი ფაქტები ვერ წარმოადგინა.

„ჩვენ გვქონდა პრაქტიკულად ორი განცხადება, რომელიც ყურადსაღები იყო, თუმცა ორივე შემთხვევაში ავტორებმა, „ევროპულმა საქართველომ“ და ნაციონალურმა მოძრაობამ ბოლომდე ვერ წარმოადგინეს დამადასტურებელი ფაქტები იმისა, რასაც ამბობდნენ. მიუხედავად ამისა, ვთვლი, რომ ნებისმიერი განცხადება უნდა იყოს მხედველობაში მიღებული“,-აღნიშნა მინისტრმა.

წულუკიანმა მოუწოდა ყველას თავი შეიკავონ და მოერიდონ კონფლიქტურ სიტუაციებს, განსაკუთრებით იმ რეგიონში, სადაც ეთნიკური უმცირესობები ცხოვრობენ და სადაც შეიძლება კონფლიქტმა სხვა მასშტაბები შეიძინოს.

შეგახსენებთ, რომ „ევროპულმა საქართველომ“ განაცხადა,რომ „ქართული ოცნება“ მარნეულში ახმედ იმამკულიევის წინააღმდეგ ბრძოლას აწარმოებს.

როგორც საგანგებოდ გამართულ ბრიფინგზე გიგი უგულავამ აღნიშნა, მარნეულში ადგილი ჰქონდა პროვოკაციულ ქმედებებს.

მონიკა დავლიანიძე