მსოფლიო

ევროპის აშენება რუსეთთან თანამშრომლობის გარეშე შეუძლებელია - ჟან-კლოდ იუნკერი

ევროკომისიის თავმჯდომარის ჟან-კლოდ იუნკერის განცხადებით, ევროპის აშენება რუსეთთან თანამშრომლობის გარეშე - შეუძლებელია.

როგორც იუნკერმა ლუვენსის კათოლიკურ უნივერსიტეტში სიტყვით გამოსვლის დროს აღნიშნა, ევროკავშირის არქიტექტურის გადაანალიზებისთვის მეზობელ ქვეყნებთან მუშაობაა საჭირო.

„ვფიქრობ, რომ ევროპის არქიტექტურის გადაანალიზება უნდა მოხდეს, რადგან დღევანდელი გზით სვლა შეუძლებელია. მეზობლებთან ორიენტირები უნდა შევაჯეროთ, რომლებითაც ევროპის არქიტექტურა იხელმძღვანელებს“,-აღნიშნა იუნკერმა.

მისი თქმით, „რუსეთთან ურთიერთობაში არსებული ბევრი პრობლემის მიუხედავად, უნდა გვესმოდეს, რომ რუსეთის გარეშე ევროპის აშენება შეუძლებელია, ევროკავშირის გაგებით კი არა, არამედ კონტინენტის გაგებით“.

ამასთან, იუნკერის თქმით, „არ უნდა არსებობდეს ვითარება, როდესაც რუსეთი წესებს არ იცავს“.

მონიკა დავლიანიძე