მსოფლიო

ევროპაში თითქოს სამოქალაქო ომია ლიბერალურ დემოკრატიასა და მზარდ ავტორიტარიზმს შორის - ემანუელ მაკრონი

საფრანგეთის პრეზიდენტის, ემანუელ მაკრონის თქმით, ევროპაში არსებული ვითარება „სამოქალაქო ომს“ ჰგავს ლიბერალურ დემოკრატიასა და მზარდ ავტორიტარიზმს შორის.

ევროპარლამენტში სიტყვის გამოსვლისას მან მოუწოდა გაერთიანების წევრებს, მეტი გააკეთონ დემოკრატიის გასამყარებლად.

„არ მინდა, ვეკუთვნოდე მთვარეულთა თაობას, რომელმაც თავისი წარსული დაივიწყა“, - განაცხადა მაკრონმა.

მაკრონმა ევროსკეპტიკოსები გააკრიტიკა, ვინც დიდი ბრიტანეთი ბრექსიტამდე მიიყვანა. მისი თქმით, ბრექსიტი დიდ ხვრელს გააჩენს ევროკავშირის ბიუჯეტში, რის გამოც ზოგიერთი წევრი ქვეყანა შესაძლოა, ვეღარ ისარგებლოს საბიუჯეტო შეღავათებით. მაკრონმა აღნიშნა, რომ საფრანგეთი მზადაა, საკუთარი შენატანი გაზარდოს.