კომენტარი

ევროპარლამენტმა თქვა ის, რასაც ჩვენი ხელისუფლება ამბობს - ირაკლი სესიაშვილი

პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი ევროპარლამენტის მიერ ჟურნალისტ აფგან მუხთარლის საქმესთან დაკავშირებით მიღებულ რეზოლუციას გამოეხმაურა, სადაც რეკომენდაციები როგორც აზერბაიჯანის ასევე საქართველოს ხელისუფლების მისამართით გაკეთდა.

როგორც სესიაშვილმა აღნიშნა, ევროპარლამენტმა თქვა ის, რასაც ხელისუფლება ისედაც ამბობს,რომ ფაქტთან დაკავშირებით უნდა ჩატარდეს სრულყოფილი გამოძიება.

„ევროპარლამენტმა თქვა ის, რასაც ვამბობთ ჩვენ, ჩვენი ხელისუფლება, პრემიერი, რომ ფაქტთან დაკავშირებით უნდა ჩატარდეს სრულყოფილი გამოძიება, რაც შეიძლება სწრაფად და საზოგადოებას, საერთაშორისო საზოგადოებას ვუთხრათ რეალურად რა მოხდა. ჩვენ დარწმუნებული ვართ, რომ ჩვენს ხელისუფლებას, ჩვენს სამართალდამცავ ორგანოებს ამ ფაქტთან დაკავშირებით არანაირი შემხებლობა არ აქვთ. რაც მოხდა არის ცუდი, ჩვენი ქვეყნის ინტერესები დაზიანდა, ამიტომ ეს არის ჩვენთვის ღირსების საკითხი, რომ ყველაფერზე ჭეშმარიტება დადგინდეს და ყველამ გაიგოს რა მოხდა და შესაბამისად, შემდგომ უკვე მოვახდინოთ რეაგირება“,-აღნიშნა სესიაშვილმა.

მონიკა დავლიანიძე