მსოფლიო

ევროპარლამენტის რეზოლუციას არავითარი იურიდიული ძალა არ გააჩნია - აზერბაიჯანის საგარეო უწყება

ევროპარლამენტის მიერ მიღებული რეზოლუცია „მუხთარლის საქმე და აზერბაიჯანში მედიის მდგომარეობა“, მიკერძოებული და გამოგონილი დოკუმენტია, რომელიც 20 წუთში იქნა მიღებული და მას „არავითარი იურიდიული ძალა არ აქვს“.

ამის შესახებ აზერბაიჯანის საგარეო საქმეთა სამინისტროს პრესსამსახურის უფროსმა, ხიკმეტ გაჯიევმა განაცხადა, წერს Haqqin.az, Azertag-ზე დაყრდნობით.

„ამასთანავე, გაიმართა კენჭისყრა, რომელიც რეზოლუციის მიღების გადადებას შეეხებოდა. გამოჩნდა, რომ ევროპარლამენტში დეპუტატების დიდი რაოდენობაა, ვინც აზერბაიჯანთან კავშირებს დიდ მნიშვნელობას ანიჭებს. რეზოლუციის მიღების გადადებას მხარი 272 დეპუტატმა დაუჭირა, 27-მა კი თავი შეიკავა“,-განაცხადა გაჯიევმა.

გუშინ, ევროპარლამენტმა აზერბაიჯანელი ჟურნალისტის აფგან მუხთარლისთან დაკავშირებით რეზოლუცია მიიღო, რომელშიც აზერბაიჯანის ხელისუფლებას მის გათავისუფლების რეკომენდაციას აძლევს.

მონიკა დავლიანიძე