კომენტარი

ევროკავშირის ტერიტორიაზე მყოფი მიგრანტების გადანაწილების საკითხი ქართულ მხარესთან არასდროს არ დამდგარა - საგარეო საქმეთა სამინისტრო

ავსტრიის საგარეო საქმეთა მინისტრის სებასტიან კურცის მოსაზარებასთან დაკავშირებით საქართველოს საგარეო საქმეთა სამინისტროს პრესის და ინფორმაციის დეპარტამენტი კომენტარს აკეთებს.

,,ევროკავშირის ტერიტორიაზე მყოფი მიგრანტების გადანაწილების საკითხი ქართულ მხარესთან არასდროს, არც ერთ დონეზე ოფიციალურად არ დამდგარა. მათ შორის ამ საკითხს არ შეხებია თავად ბატონი კურცი არც საქართველოში სტუმრობისას და არც რაიმე სხვა ფორმატში.

ეს საკითხი საქართველოში დღის წესრიგში არ დგას, რადგან შეუძლებელია დღევანდელი ჩვენი გამოწვევების გამო ამ პროექტის განხორციელება’’, - აცხადებენ საქართველოს საგარეო უწყების პრესის და ინფორმაციის დეპარტამენტში.

საუბარია, გავრცელებულ ინფორმაციაზე, რომლის თანახმადაც, ავსტრიის საგარეო საქმეთა მინისტრმა, განაცხადა, რომ საქართველოში სირიელი ლტოლვილებისთვის ბანაკები უნდა მოეწყოს.