მსოფლიო

ევროკავშირის ქვეყნები თავის საელჩოებს იერუსალიმში არ გადაიტანენ - ფედერიკა მოგერინი

ევროკავშირის უმაღლესი დიპლომატის, ფედერიკა მოგერინის განცხადებით, ევროკავშირის წევრი-ქვეყნები არ გადაიტანენ თავის საელჩოებს იერუსალიმში.

ევროკავშირის ქვეყნების საგარეო საქმეთა მინისტრებთან შეხვედრაზე ისრაელის პრემიერ-მინისტრმა ბენიამინ ნეთანიაჰუმ გამოთქვა იმედი, რომ ევროკავშირის წევრთა უმეტესობა აღიარებს იერუსალიმს ისრაელის დედაქალაქად და იქ გადაიტანს თავის საელჩოებს აშშ-ის მსგავსად.

„მინისტრებთან და პრემიერ-მინისტრებთან რიგი მოლაპარაკებების შემდეგ შემიძლია შემდეგის თქმა. ვიცი, რომ პრემიერ-მინისტრმა ნეთანიაჰუმ რამდენჯერმა გამოთქვა იმედი, რომ სხვები გაიმეორებენ აშშ-ის პრეზიდენტის, დონალდ ტრამპის გადაწყვეტილებას იერუსალიმში საელჩოების გადატანის შესახებ. შეიძლება, სხვებისგან დაელოდოს, რადგან ევროკავშირის წევრი ქვეყნების მხრიდან ეს არ მოხდება“, - უთხრა მოგერინიმ ჟურნალისტებს.

წინა კვირას აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად აღიარა.

ანა მებურიშვილი