მსოფლიო

ევროკავშირი და სომხეთი უახლოეს პერიოდში თავისუფალი სავაჭრო ზონის შეთანხმებას გააფორმებენ

ევროკავშირსა და სომხეთს შორის თავისუფალი სავაჭრო ზონის შესახებ შეთანხმების გაფორმება, შესაძლოა, უახლოეს პერიოდში მოხდეს.

ამის შესახებ ბერლინში, ევრაზიის ეკონომიკური კომისიის კოლეგიის თავმჯდომარემ ტიგრან სარქისიანმა განაცხადა.

„ვფიქრობ, ის უახლოეს პერიოდში იქნება ხელმოწერილი. სომხეთის პოზიცია ყოველთვის ეყრდნობოდა მოსაზრებას, რომ სომხეთმა უნდა იმუშავოს როგორც ევროკავშირთან, ისე ევრაზიის ეკონომიკურ კავშირთან. ეს ორი ვექტორი ერთმანეთს არ უნდა დავუპირისპიროთ“,-აღნიშნა სარქისიანმა.

მისივე თქმით, სომხეთი და ევროკავშირი იძულებული გახდნენ შეთანმხებაზე მუშაობა თავიდან დაეწყოთ, რადგან წინა ვარიანტი ბრიუსელმა დაბლოკა.

„სამწუხაროდ, მოლაპარაკებების ბოლო ეტაპზე, ევროპელი კოლეგების პოზიცია გამკაცრდა, ამიტომ პროცესი თავიდან ჩავუშვით“,-აღნიშნა ტიგრან სარქისიანმა.

მონიკა დავლიანიძე