კომენტარი

ევა გოცირიძის გამწესებით მოხდება საკონსტიტუციო სასამართლოს სრული დამორჩილება, დეგრადაცია- რომან გოცირიძე

დღეს, პარლამენტმა საკონსტიტუციო სასამართლოში მოსამართლედ, პარლამენტის კვოტით ევა გოცირიძის კანდიდატურა უნდა დაამტკიცოს.

ოპოზიციის აზრით, ევა გოცირიძის გამწესებით, მოხდება საკონსტიტუციო სასამართლოს სრული დამორჩილება.

ფრაქცია „ერთიანი ნაციონალური მოძრაობის“ თავმჯდომარის, რომან გოცირიძის თქმით, ეს იქნება საკონსტიტუციო სასამართლოს დეგრადაცია.

„ეს არის უკვე ბოლო წერტილი საკონსტიტუციო სასამართლოს სრული დამორჩილებისა და პოლიტიზერებისთვის, ვიტყოდი, დეგრადაციის. ეს არის მესამე ტალღა. პირველი ტალღის დროს, სასამართლოში ჩაინეგრა ხელისუფლებისადმი ლოიალურად განწყობილი პირები, მეორე ტალღის დროს, აქედან დეპუტატები გადავიდნენ და მოირგეს მოსამართლის მანტია და მესამე, ეს უკვე აშკარად ხელისუფლების ნებისმიერი წინადადების შემსრულებელი პიროვნება გახდება საკონსტიტუციო სასამართლოს წევრი“,-აღნიშნა რომან გოცირიძემ.

მონიკა დავლიანიძე