კომენტარი

ევა გოცირიძემ სტრასბურგშიც შესანიშნავი შეფასება მიიღო, თუმცა, სია ახალი კრიტერიუმების საფუძველზე ვერ დამტკიცდა - გია ვოლსკი

პარლამენტის ვიცე-სპიკერის, გია ვოლსკის შეფასებით, საკონსტიტუციო სასამართლოს მოსამართლეობის კანდიდატი ევა გოცირიძე მაღალი დონის ექსპერტია, რომელსაც მსოფლიოში სამართლებრივი მიმართულების უამრავი სპეციალისტი იცნობს კარგად.

ვოლსკი ოპოზიციის კრიტიკასაც გამოეხმაურა, რომელიც მიიჩნევს, რომ ევა გოცირიძის გამწესებით საკონსტიტუციო სასამართლოს საბოლოო დამორჩილება მოხდება.

ვოლსკიმ აღნიშნა, რომ „ნაიცონალური მოძრაობის“ მხრიდან მსგავსი კომენტარი - ყველა საზღვარს სცილდება.

„საკონსტიტუციო სასამართლოს დაქვემდებარებაზე რომ „ნაციონალური მოძრაობის“, ან ახალი „ნაციონალური მოძრაობის“ წარმომადგენელი ლაპარაკობს- ყველა საზღვარს სცილდება.

რაც შეეხება ევა გოცირიძეს - ეს არის ადამიანი, რომელიც მაღალი დონის ექსპერტია. ის შესანიშნავად იცნობს სასამართლო სისტემას. მას უამრავი სამართლებრივი მიმართულების სპეციალისტი კარგად იცნობს მსოფლიოში, არა მარტო საქართველოში. მან სტრასბურგშიც შესანიშნავი შეფასება მიიღო, თუმცა, სამწუხაროდ, სია ახალი კრიტერიუმების საფუძველზე ვერ დამტკიცდა“,-განმარტა ვოლსკიმ.

მონიკა დავლიანიძე