კომენტარი

ე.წ. ციანიდის საქმის გამო შექმნილ უწესრიგობაზე პასუხი ხელისუფლებამ და პირველ რიგში პროკურატურამ უნდა აგონ - დავით ბაქრაძე

მთელ ამ უწესრიგობაზე რომელიც ე.წ.ციანიდის საქმეზე ხელისუფლებამ და პირველ რიგში, პროკურატურამ შექმნეს, პოლიტიკური პასუხი უნდა აგონ, - განუცხადა ჟურნალისტებს საპარლამენტო უმცირესობის ლიდერმა, დავით ბაქრაძემ.

მისი თქმით, ძალიან რთულია საქმის დეტალებზე საუბარი, რადგან საქმე იმდენად არეული, აბსურდული და გაუგებარია, რომ ჩამოყალიბებული შეფასების გაკეთება ძალიან ძნელია.

“ყველა ვხედავთ, ამ დღეების განმავლობაში იმ დაპირისპირებას, რომელიც საპატრიარქოშია. ამ ყველაფერზე პასუხისმგებელი არის ხელისუფლება, იმ ქმედებებით, რომელსაც ისინი ახორციელებენ. ჩვენი პოზიცია არის მკაფიო, რომ გვსურს სიტუაცია დამშვიდდეს და საპატრიარქოში დარჩეს ერთიანი, ჰარმონიული და შეთანხმებული პოზიცია. მაგრამ ჩვენ მოვითხოვთ ხელისუფლების პასუხისმგებლობას, იმ ადამიანების პასუხისმგებლობას, ვისმა განცხადებებმაც და ნაბიჯებმაც მთელი ეს ვითარება შექმნა. მთავარ პროკურორთან ერთად პასუხი უნდა აგოს მთლიანად ხელისუფლებამ, რადგან მთელი ეს სრული უწესრიგობა და უკაცრავად, მაგრამ ბარდაგი, შექმნა ხელისუფლებამ და პირველ რიგში, პროკურატურამ”, - განაცხადა დავით ბაქრაძემ.

ნინო ექვთიმიშვილი