კომენტარი

ეთნიკური უმცირესობებით დასახლებულ რაიონებში ხელისუფლებამ ანტისახელმწიფოებრივი ქმედება ჩაიდინა - ნინო ბურჯანაძე

„დემოკრატიული მოძრაობის“ ლიდერის, ნინო ბურჯანაძის შეფასებით, ეთნიკური უმცირესობებით დასახლებულ რაიონებში ხელისუფლებამ ანტისახელმწიფოებრივი ქმედება ჩაიდინა.

როგორც ბურჯანაძემ ბრიფინგზე აღნიშნა, ეთნიკური უმცირესობებით დასახლებული რაიონები მხარს მუდამ სახელისუფლებო გუნდს უჭერდა.

„ეთნიკური უმცირესობებით დასახლებულ რაიონებში ხელისუფლებამ ანტისახელმწიფოებრივი ქმედება ჩაიდინა. დასამალი არაა, რა თქმა უნდა ეთნიკური უმცირესობებით დასახლებული რაიონები მუდამ მხარს უჭერდა სახელისუფლებო გუნდს და დისბალანსი ამ უბნებში, სახელისუფლებო და ოპოზიციურ ძალებს შორის მუდამ არსებობდა. მაგრამ, ეს იყო დისბალანსი და არა პირდაპირი ბრძანება, რომ ბურჯანაძემ არც ერთი ხმა არ უნდა აიღოს რაიონიდან.

ნინოწმინდის, ახალქალაქის, ახალციხის მთელი რიგი უბნებია დატერორებული და ნული ხმა გვიწერია არა მხოლოდ ჩვენ, არამედ უმეტესობა ოპოზიციურ პარტიებს. მარნეულში პრაქტიკულად ყველა უბანზე აბსოლუტური ნული ყველა ოპოზიციურ პარტიას და წამოღებული ხმები ასი პროცენტით მხოლოდ ხელისუფლებას.

განსაკუთრებით თვალსაჩინოა ის, რაც მოხდა აჭარაში, ვინაიდან ხელისუფლებამ ძალიან კარგად იცოდა, რომ ჩვენ აჭარაში ტრადიციულად გვქონდა განსაკუთრებული“, - აცხადებს ნინო ბურჯანაძე.

მონიკა დავლიანიძე