კომენტარი

ეტყობა, ქვეყანაზე ფიქრით ისე არის დაღლილი, რომ ტელევიზიას ვეღარ უყურებს - ნატო ჩხეიძე ირაკლი კობახიძეზე

დეპუტატი ნატო ჩხეიძე პარლამენტის თავმჯდომარის გუშინდელ განცხადებას გამოეხმაურა, სადაც ირაკლი კობახიძე ამბობდა, რომ ზაზა ოქუაშვილი ზაფხულშიც ე.წ. დუბლიონკით დადის.

ნატო ჩხეიძე კობახიძეს ურჩევს საკუთარი განცხადებებით თავს ნუ გამოიაშკარავებს.

,,ბატონმა პარლამენტის თავმჯდომარემ გაბუნიასთან ეთერის დროს თქვა, რომ ხედავთო, იქ დუბლიონკებით დადიანო ეს მონაწილე პირები და ჩაწერილი კი ზაფხულშიაო.

ის, რომ პარლამენტის თავმჯდომარემ ვერ იცნო და ვერ გაიგო, რომ ეკრანზე იყო არქივის კადრები, ეს ერთია. ეტყობა, ქვეყანაზე ფიქრით ისე არის დაღლილი, რომ ტელევიზიას ვეღარ უყურებს ხოლმე და არ იცის, როგორ ხდება თვალსაჩინოება ტელევიზიაში.

მეორე მხრივ, ნიშანდობლივია - რა იცოდა პარლამენტის თავმჯდომარემ, რომელ სეზონზეა ჩაწერილი? იმ საუბარში ზაფხულია, ცხელა ცხელაო, არავინ ამბობს. ესე იგი, იცის“, - აცხადებს ნატო ჩხეიძე.