მსოფლიო

ესტონეთმა ქვეყნიდან რუსი დიპლომატები გააძევა

ესტონეთმა, რუსეთის გენერალური კონსული დიმიტრი კაზიონოვი და კონსული სერგეი სურგაჩოვი, ქვეყნიდან გააძევა. შესაბამისი ნოტა, დიპლომატებისთვის უკვე გაგზავნილია.

ამის შესახებ გავრცელებული ინფორმაცია ესტონეთის საგარეო საქმეთა სამინისტროს პრეს-მდივანმა სანდრა კამილოვამ, რუსულ მედიას დაუდასტურა.

„ესტონეთის საგარეო საქმეთა სამინისტრის შეუძლია დაგიდასტუროთ, რომ კაზიონოვი და სურგაჩოვი ესტონეთიდან გაძევებული არიან“,-განუცხადა კამილოვამ რუსულ მედიას.

ამასთან, დიპლომატების გაძევების მიზეზი არ სახელდება.

ესტონეთში რუსეთის საელჩოც მომხდარზე კომენტარს ჯერჯერობით არ აკეთებს.

რუსეთის საგარეო საქმეთა სამინისტროში განაცხადეს, რომ დიპლომატების გაძევება პასუხ გაუცემელი არ დარჩება.

„ეს მორიგი არამეგობრული და არაფრით დასაბუთებული აქტია, რომელიც პასუხის გარეშე არ დარჩება“,-განაცხადეს უწყებაში.

მონიკა დავლიანიძე