კომენტარი

ეს მიმართულია იმაზე, რომ დევნილთა ჯგუფი ქვეყანაში საერთოდ გაუქმდეს და აღარ იყოს - ელენე ხოშტარია

პარლამენტის ფრაქცია „ევროპული საქართველო უკეთესი მომავლისთვის“ თავმჯდომარის ელენე ხოშტარიას განცხადებით, დევნილთა სამინისტროში დაგეგმილი რეფორმა მიმართულია იმისკენ, რომ დევნილთა ჯგუფი ქვეყანაში საერთოდ გაუქმდეს.

„ამ დოკუმენტში წერია, როგორ დავზოგოთ ფული, ამ ყველაზე მოწყვლად ჯგუფზე. ჯგუფზე, რომელიც იღებს საარსებო მინიმუმზე ოთხჯერ ნაკლებ დახმარებას. ისინი გეგმავენ, რომ ეს დახმარება დრამატულად შეამცირონ. ეს დოკუმენტი ფაქტიურად მიმართულია იმაზე, რომ დევნილთა ჯგუფი ქვეყანაში საერთოდ გაუქმდეს და აღარ იყოს“,-აღნიშნა ხოშტარიამ.

დღეს გახდა ცნობილი რომ, ლტოლვილთა და განსახლების სამინისტროში რეფორმის გატარება იგეგმება, რომლის მიხედვით, დევნილთა ნაწილს 45-ლარიანი სახელმწიფო დახმარება მოეხსნება.

მინისტრის სოზარ სუბარის განმარტებით, ეს შეზღუდვა შეეხება იმ დევნილებს, რომლებიც მაღალ თანამდებობებს იკავებენ და მაღალი ანაზღაურება აქვთ.

თუმცა, როგორც „ნაციონლაური მოძრაობისთვის“ გახდა ცნობილი, დამხარება შესაძლოა მოეხსნას იმ პირებს, რომლებიც აფხაზეთსა და ცხინვალის რეგიონში არ არიან დაბადებული, ასევე იმ პირებს ვინც ქორწინებაში არადევნილ პირთან იმყოფება.

მონიკა დავლიანიძე