კომენტარი

ეს ყველაფერი არის ნიღაბი, რომლის უკანაც მედიის წინააღმდეგ დიქტატორული დამოკიდებულება დგას - არჩილ გამზარდია

ტელეკომპანია ”იბერიას” ჟურნალისტი, არჩილ გამზარდია პრემიერ გიორგი კვირიკაშვილს პასუხობს, რომელმაც დღეს განაცხადა, რომ ბრალდებები ხელისუფლების მხრიდან მედიაზე ზეწოლის შესახებ აბსურდულია.

არჩილ გამზარდია ამბობს, რომ მედიაზე კონტროლის მოპოვებას ,,ქართული ოცნება“ სასამართლოს ან ფინანსური წყაროების გადაკეტვის გზით ცდილობს.

„როდესაც თავისუფალ ჟურნალისტებზე ლაპარაკობ, რომ შანტაჟის წარმმართველები არიან, რომლებიც უნდა დაისაჯონ, გამოდის, რომ ეს მუქარა პირდაპირ ეხება ჟურნალისტების უსაფრთხოებას. ჩვენი განცხადება გუშინ ღამე გავრცელდა და ის დილით დარწმუნებით ამტკიცებს და აძლევს მტკიცებით კვალიფიკაციას მოვლენებს. ერთ ღამეში რა ინფორმაცია შეიძლება გაიგოს პრემიერმა ისეთი, რომ დილით ამტკიცოს, რომ მსგავსი რამ შეუძლებელია. დღევანდელი ზეწოლის ხერხები მედიაზე გადის ცოტა სხვა ტექნოლოგიებზე, „ქართულმა ოცნებამ“ უფრო დახვეწა. ის გადის მართული სასამართლოს გზაზე, კანონით მანიპულირების გზაზე. სინამდვილეში ეს ყველაფერი არის ჩვეულებრივი ნიღაბი, რომლის უკანაც კონკრეტული დიქტატორული დამოკიდებულება დგას მედიის, თავისუფალი ადამიანების, თავისუფალი სპეციალისტების წინააღმდეგ,“- განაცხადა ტელეწამყვანმა, არჩილ გამზარდიამ.