კომენტარი

ეს გაწვევები გადაქცეული არის იაფი მუშახელის ინსტრუმენტად, პირველ რიგში, სასჯელაღსრულებისათვის - დავით დარჩიაშვილი

ნაციონალური მოძრაობის წევრი დავით დარჩიაშვილი თავდაცვის მინისტრის დღევანდელ განცხადებას გამოეხმაურა, რომელიც წვევამდელების სამხედრო სავალდებულო სამსახურში გაწვევის თემას ეხებოდა.

,,ჩვენ გვქონდა წინასაარჩევნო პროგრამაში ეგ საკითხი ნათლად გადმოცემული, რომ დღეის პირობებით, ჯართან დაკავშირებული პრობლემატიკა ისე დგას, რომ ეს გაწვევები გადაქცეული არის იაფი მუშახელის ინსტრუმენტად პირველ რიგში სასჯელაღსრულებისათვის. ეს არ არის ნორმალური ვითარება.

ჩემი პირადი მოსაზრება არის, რომ შეიძლება ტერიტორიული რეზერვის კომპონენტში იყოს გარკვეული რაღაც სავალდებულო ელემენტები, მაგრამ ეს სამსჯელოა’’, - აცხადებს დავით დარჩიაშვილი.

ცნობისათვის: წვევამდელების გაწვევის გაუქმებასთან დაკავშირებით გადაწყვეტილება თავდაცვის სამინისტროში თინა ხიდაშელის ხელმძღვანელობის დროს მიიღეს. ხიდაშელის შესაბამისი ბრძანების თანახმად, თავდაცვის სამინისტრო, ოფიციალურად, აღარ გააკეთებს განაცხადს წვევამდელების გაწვევაზე.

ნინო ექვთიმიშვილი