კომენტარი

ეს ძალიან დიდი სირცხვილი იქნება ეკლესიისთვის - მეუფე პეტრე

სინოდის მიერ საპატრიარქოს ტელევიზიის დირექტორობიდან გადაყენების შემდეგ მეუფე პეტრემ ჟურნალისტებთან კიდევ ერთი განცხადება გააკეთა.

მეუფე პეტრე ,,ერთსულოვნების’’ თანამშრომლების პატრიარქისადმი მიმართავს გამოეხმაურა, რომლითაც ისინი ილია მეორეს სინოდის გადაწყვეტილების შეცვლას სთხოვენ.

ჭყონდიდელი მიტროპოლიტი ტელეკომპანიში დაბრუნებაზე უარს ამბობს.

,,მე რამდენიმე წლის წინ მქონდა თავად სურვილი, რომ ეპარქიისთვის უფრო მეტი დრო დამეთმო და უწმინდესს გავეთავისუფლებინე ტელევიზიიდან და მან ეს თხოვნა არ დააკმაყოფილა, დღეს ჩათვალა საჭიროდ. მადლობა ღმერთს, მიმაჩნია, რომ ეპარქიას ბევრად უფრო ვჭირდები’’, - განაცხადა ჭყონდიდის მიტროპოლიტმა და აქვე მის შემცვლელად გიორგი ანდრიაძის შესაძლო დანიშვნასთან დაკავშირებით გავრცელებულ ინფორმაციასაც გამოეხმაურა.

მეუფე პეტრეს თქმით, მისთვის ჯერჯერობით უცნობია, ვინ იქნება საპატრიარქოს ტელევიზიის ახალი დირექტორი.

"ვერ დაგიდასტურებთ, მაგრა, ეს ძალიან დიდი სირცხვილი იქნება, თუ ასე მოხდა, ეკლესიისთვის,“ - განაცხადა მამა პეტრე ცაავამ.

ნინო ექვთიმიშვილი