კომენტარი

ეს არის უკვე ცრუ ჩვენება და ცრუ ჩვენება ითვალისწინებს გარკვეულ სასჯელს - დავით ჭიჭინაძე ლევან ყიფიანის პასუხისმგებლობაზე საუბრობს

„პატრიოტთა ალიანსის“ წევრი დავით ჭიჭინაძე ,,ომეგა ჯგუფთან“ დაკავშირებით დღეს გავრცელებულ ვიდეოჩანაწერებს ეხმიანება და ლევან ყიფიანის პასუხისმგებლობაზე საუბრობს.

ჭიჭინაძის თქმით, ლევან ყიფიანმა თავის დროზე თქვა, რომ მან ოქუაშვილთან ერთად ეს ჩანაწერები დადგა, თუმცა იმ ჩანაწერებზე დაყრდნობით რაც ეთერში გავიდა, ირკვევა რომ ლევან ყიფიანმა ცრუ ჩვენება მისცა.

„რაც შეეხება კონკრეტულ ფაქტს და ბატონი ლევანის მონაყოლს, ეს პირდაპირ მე ვფიქრობ, რომ მისი პასუხისმგებლობის საკითხსაც აყენებს იქიდან გამომდინარე, რომ ის ამდენი ხანი უმტკიცებდა საზოგადოებას, რომ ეს იყო ყველაფერი ფარსი, ამას დგამდნენ თურმე ზაზა ოქუაშვილის დაკვეთით.

მე ვფიქრობ, ეს არის უკვე ცრუ ჩვენება და ცრუ ჩვენება, როგორც ვიცი, ითვალისწინებს გარკვეულ სასჯელს. კრიმინალური მომენტია და ამას შესაბამისი შეფასება უნდა მისცენ შესაბამისმა სტრუქტურებმა,“-განაცხადა დავით ჭიჭინაძემ.