მსოფლიო

ერთსქესიან პირთა ქორწინებას არ ვაღიარებთ - რუსეთის მართლმადიდებლური ეკლესია

რუსეთის მართლმადიდებლური ეკლესიის განცხადებით, ის კატეგორიულად არ აღიარებს ერთსქესიან პირთა ქორწინებასა და მათ შორის სხვა ფორმის კავშირებს. ამაზე წერია დოკუმენტში „საეკლესიო ქორწინების კანონიკური ასპექტების შესახებ“, რომელიც გუშინ მიიღეს რუსული მართლმადიდებლური ეკლესიის სამღვდელმთავროთა კრებაზე.

„ეკლესია კატეგორიულად არ აღიარებს ქორწინებად ერთი სქესის პირთა კავშირებს, მიუხედავად იმისა, აღიარებულია თუ არა სამოქალაქო კანონმდებლობაში, ისევე როგორც თანაცხოვრების სხვა ფორმებს, რომლებიც არ შეესაბამება ქორწინების არსებულ განსაზღვრებას - ქალისა და მამაკაცის კავშირს“,- წერია დოკუმენტში.

ეკლესიური ქორწინებაში ვერ შევლენ ტრანსგენდერი ადამიანები.

ქორწინების დაკანონება ასევე აკრძალულია იმ დროს, როცა ის ეწინააღმდეგება ეკლესიის კანონიკურ ნორმებს, მაგალითად, თუკი ეს ეხება ახლო ნათესავებს შორის, დედობილ-მამობილსა და შვილობილს შორის, ნათლიებსა და ნათლულებს შორის კავშირებს.

განქორწინებისთვის საკმარისია შემდეგი არგუმენტები: მრუშობა, ქრონიკული ალკოჰოლიზმი და ნარკომანია, ერთ-ერთი მეუღლის ახალ ქორწინებაში შესვლა.