კომენტარი

ერთადერთი ვისი გაბრიყვებაც შეძლო პეტრო პოროშენკომ იყო საქართველოს ხელისუფლება - გია ხუხაშვილი

ექსპერტი გია ხუხაშვილი მიიჩნევს, რომ უკრაინის პრეზიდენტმა პეტრო პოროშენკომ თითქმის ჩაითრია საქართველოს ხელისუფლება იმ პრობლემებში, რომელშიც თავად აღმოჩნდა.

ამის შესახებ ხუხაშვილმა მიხეილ სააკაშვილის ირგვლი შექმნილი ვითარების კომენტირებისას განაცხადა.

ექსპერტის შეფასებითვე, სააკშვილთან მიმართებით პოროშენკოს კონკრეტული ამოცანა ქონდა- სააკაშვილის სახით მოეშორებინა პოლიტიკური პრობლემა.

„ეს უკვე აღარ არის სააკაშვილის ისტორია, ეს არის უკრაინის ხელისუფლებასა და ოპოზიციას შორის განვითარებული სერიოზული მოვლენები.

სააკაშვილი ში და უკრაინული კრიზისის კატალიზატორი გახდა და მან კიდევ ერთხელ აჩვენა, რომ ის არის ერთ-ერთი ძლიერი კრიზისული ლიდერი, ის კრიზისში როგორც თევზი წყალში ისე გრძნობს თავს.

პოროშენკოს აღარ აქვს ახლა კარგი სვლები. მას აქვს ცუდი და უარესი სვლები. ამ შეცდომების კასკადის ფონზე, ერთადერთი ვისი გაბრიყვებაც მან შეძლო - იყო საქართველოს ხელისუფლება, რომელიც ლამის ჩაითრია საეჭვო ისტორიაში.

პოროშენკოს ქონდა სავსებით კონკრეტული ამოცანა. მას ესმოდა, რომ სააკაშვილი შეიძლება გამხდარიყო მისი პოლიტიკური პრობლემა და ამიტომ ის შეეცადა ამ პრობლემის ეპიცენტრი გადმოესროლა საქართველოსკენ.

პოროშენკომ „გაიჩალიჩა“ პრობლემები თვითონ და რისკი იმისა, რომ ჩვენთვისაც შეექმნა პრობლემები მთელ ამ ისტორიას, ძალიან მაღალი იყო.

რაში სჭირდებოდა ჩვენს ხელისუფლებას ამ სისულელეში თავის შეყოფა, სიმართლე გითხრათ ვერ გავიგე“,-აღნიშნა ექსპერტმა.

მონიკა დავლიანიძე