მსოფლიო

ერევნის ქუჩებში „სამოქალაქო დაუმორჩილებლობა“ გრძელდება

ერევანში „სამოქალაქო დამოურჩილებლობის“ აქციები უკვე მეცხრე დღე გრძელდება. საპროტესტო მსვლელობები და აქციები განახლდა დილის 11 საათზე. დემონსტრანტები ჯგუფებად არიან დაყოფილი დედაქალაქის სხვადასხვა ქუჩაში გადასაადგილებლად, სადაც გზებს კეტავენ და ლოზუნგებს სკანდირებენ.

ქალაქის ზოგიერთ ნაწილში მძღოლები მანქანებს ტოვებენ და გზების გადაკეტვას უერთდებიან.

მთელი ქალაქის მასშტაბით პოლიციაა მობილიზებული, რომელიც ცდილობს, დემონსტრანტებს ხელი შეუშალოს გზის გადაკეტვაში.

ქალაქის რესპუბლიკის მოედანზე 19 საათისთვის მასშტაბური აქციაა დაანონსებული.

აქციები 13 აპრილს დაიწყო და მიმართულია ახლად არჩეული პრემიერის, სომხეთის ექს-პრეზიდენტის სერჟ სარგსიანის მმართველობის წინააღმდეგ. თავის მხრივ, სარგსიანმა მოუწოდა აქციების ერთ-ერთ ორგანიზატორს, საპარლამენტო ოპოზიციური ფრაქცია „ელკის“ ლიდერ ნიკოლ პაშინიანს „დაუყოვნებლივი მოლაპრაკებებისკენ“.

სომხეთის შსს-ის ინფორმაციით, 9-დღიანი საპროტესტო გამოსვლების შედეგად 200-მზე ადამიანია დაკავებული.