კომენტარი

ექსცესებსა და პროვოკაციებს არჩევნების შედეგებზე გავლენა არ ჰქონია - მამუკა ბახტაძე

„ქართულმა ოცნებამ“ დაამკვიდრა არჩევნების გამჭვირვალე, თავისუფალ და დემოკრატიულ გარემოში ჩატარების ტრადიცია და ჩვენ მაქსიმალურად ვუფრთხილდებით ამ მონაპოვარს, – განაცხადა პრემიერ-მინისტრმა, მამუკა ბახტაძემ დღეს გამართულ ბრიფინგზე.

მისი თქმით, ცალკეულ შემთხვევებში ადგილი ჰქონდა ექსცესებსა და პროვოკაციებს, მაგრამ ამან არჩევნების შედეგებზე გავლენა არ იქონია.

„მიუხედავად იმისა, რომ რიგ შემთხვევებში, ადგილი ჰქონდა ექსცესებს და პროვოკაციებს, ამ ექსცესებმა არჩევნების შედეგებზე გავლენა არ იქონია, რასაც ადასტურებს, ადგილობრივი თუ საერთაშორისო სადამკვირვებლო მისიების ერთმნიშვნელოვნად პოზიტიური დასკვნები და როგორც არ უნდა ეცადონ ოპონენტები, ამ სურათს ვერავინ შეცვლის“, – განაცხადა მამუკა ბახტაძემ.

ამასთან, პრემიერის თქმით, ხელისუფლება გაითვალისწინებს არჩევნებთან დაკავშირებით მიღებულ რეკომენდაციებს.

„ისევე, როგორც სხვა წინა არჩევნების დროს, ჩვენ მივიღეთ გარკვეული რეკომენდაციები და ბუნებრივია, ამ მათ გავითვალისწინებთ“, – განაცხადა საქართველოს პრემიერ-მინისტრმა.