მსოფლიო

ელტონ ჯონი საქართველოში კონცერტს ივნისში გამართავს

ცნობილმა ბრიტანელმა მომღერალმა ელტონ ჯონმა დაადასტურა, რომ საქართველოში კონცერტებისთვის ემზადება. ამის შესახებ მომღერალმა facebook-ზე დაწერა.

მან თავის ოფიციალურ გვერდზე Caesars Palace-ში გამართული კონცერტის ფოტო გამოაქვეყნა და დაწერა, რომ საქართველოში გამგზავრებამდე, სადაც „ბლექ სი არენაზე“ მისი ორი შოუა დაგეგმილი, აპრილში ისევ Caesars Palace-ში დაბრუნდება.

ელტონ ჯონის კონცერტები საქართველოში, „ ბლექ სი არენაზე“ , 30 ივნისსა და პირველ ივლისს გაიმართება.

ბრიტანელი მომღერლის კონცერტები „ბლექ სი არენაზე“ 2017 წლის 16-17 სექტემბერს იყო დაგეგმილი, თუმცა კონცერტები ელტონ ჯონის ჯგუფის ერთ-ერთი წევრის ჯანმრთელობის მდგომარეობის გამო გადაიდო.

ცირა გურგენიძე