კომენტარი

ეკა გიგაური ლაშა თორდიაზე თავდასხმის შესახებ: ძალიან მნიშვნელოვანია, რომ ამაზე იყოს მკაცრი რეაგირება

ჩვენ ვითხოვთ ობიექტურ გამოძიებას. ეს ძალიან მნიშნელოვანია, განსაკუთრებით მაშინ როცა საქმე შეეხება დამოუკიდებელი ინსტიტუტის ხელმძღვანელს და მასზე ფაქტობრივად მოხდა თავდასხმა მისი საქმიანობის გამო,- განაცხადა ,,საერთაშორისო გამჭვირვალობა-საქართველოს’’ აღმასრულებელმა დირექტორმა, ეკა გიგაურმა გადაცემაში"განსხვავებულ აქცენტები", ყოფილი მთავარი პროკურორის, ოთარ ფარცხალაძის მხრიდან ლაშა თორდიაზე თავდასხმის კომენტირებისას.

"ძალიან მნიშვნელოვანია, რომ ამაზე იყოს მკაცრი რეაგირება, იმიტომ რომ თუკი ასე არ მოხდება ეს იქნება კონკრეტული გზავნილი დამოუკიდებელი უწყებების მიმართ, რომ მათ არ ამოიღონ ხმა კონკრეტულ პრობლემატურ საკითხებთან დაკავშირებით, მით უმეტეს აუდიტის სამსახური მუშაობს ძალიან სენსიტიურ საკითხებზე",- განაცხადა ეკა გიგაურმა.

მისი თქმით, ოთარ ფარცხალაძესთან დაკავშირებით რამდენიმე თვის წინ "საერთაშორისო გამჭრვირვალობა- საქართველო" სხვა ფაქტზე საუბრობდა.

როგორც ეკა გიგაურმა აღნიშნა, ის იყო მეწილე იმ კომპანიის, რომელმაც მიიღო კონტრაქტი საპარტნიორო ფონდიდან.

"ამის შემდეგ როცა ამ ფაქტზე საუბარი დავიწყეთ, იგი ნომინალურად გამოვიდა წილებიდან. ვფიქრობ, მისი საქმიანობა შესასწავლია. ის ფაქტი, რომ იგი ბევრი მოწმის თვალწინ თავს ესხმის და ჰგონია, რომ მისი პასუხისმგებლობა არ დადგება, ეს არის დიდი პრობლემა, პირველ რიგში სახელმწიფოსთავის",- განახადა ეკა გიგაურმა.