მსოფლიო

ეგვიპტის კურორტ ჰურგადაში მოხმდარი თავდასხმის შედეგად 2 ტურისტი მოკლეს, 4 კი დაჭრეს

გარდიანის ინფორმაციით, ეგვიპტის კურორტ ჰურგადაში დანით შეარაღებულმა პირმა სასიკვდილოდ დაჭრა სანაპიროზე მყოფი 2 გერმანელი ქალი. თავდასხმის შედეგად კიდევ 4 ტურისტი - ორი ჩეხეთისა და ორი სომხეთის მოქალაქე დაშავდა.

თავდასხმელი ჯერ 4 ტურისტს დაესხა სასტუმრო „ზაჰაბიასთან“, ხოლო შემდეგ ახლომდებარე სანაპიროზე გადაინაცვლა, სადაც კიდევ 2 ადამიანი დაჭრა.

„დანა ჰქონდა და თითოეულ მათგანს სამ-სამჯერ დაჭრა მკერდში. ისინი სანაპიროზე მოკვდნენ“, - ამის შესახებ როიტერსს სასტუმრო „El Palacio“-ის დაცვის უფროსმა საუდ აბდელაზიზმა განუცხადა. მისი თქმით, თავდასხმელი სასტუმროებს შორის აღმართულ კედელს გადაახტა და მეორე სანაპიროზე გადაცურა.

თავდასხმელი დაკავებულია. ჯერჯერობით უცნობია, რა გახდა თავდასხმის მიზეზი. დაცვის ინფორმაციით, შეიარარებული პირი მხოლოდ უცხოელებს დასდევდა.

„გაიწიეთ, ევიპტელები არ მჭირდება“, - ოფიცილური ინფორმაციით, სწორედ ეს თქვა თავდასხმელმა არაბულად.

ბიბისის ინფორმაციით, წინა წლის იანვარში იმავე კურორტზე სამი უცხოელი ტურისტი დაჭრა ტერორისტული ორგანიზაცია ისლამური სახელმწიფოს ორმა სავარაუდო მებრძოლმა.