კომენტარი

ეგ მე არ მეხება, მეუფე პეტრე ვიღაც სხვა ადამიანზე ლაპარაკობს - შორენა თეთრუაშვილი

„ეგ მე არ მეხება, ის ეტყობა ვიღაც სხვა ადამიანზე ლაპარაკობს“,- ასე ეხმაურება, კათოლიკოს-პატრიაქრის მდივან-რეფერენტი შორენა თეთრუაშვილი, მეუფე პეტრეს ბრალდებებს.

საკითხზე თეთრუაშვილის კომენტარი, ბერლინში, საზოგადოებრივმა მაუწყებელმა ექსკლუზიურად ჩაწერა.

„ეს მე არ მეხება, სხვა ადამიანზეა ლაპარაკი, გეუბნებით ეს მე არ მეხება, ის ეტყობა სხვა ადამიანზე ლაპარაკობს, ეს მისი პრობლემაა“,-განაცხადა პატრიარქის მდივან-რეფერენტმა.

საპატრიარქოში უკანასკნელ დღეებში განვითარებული მოვლენების კომენტირებისას, ჭყონდიდის მიტროპოლიტმა პეტრე ცაავამ განაცხადა, რომ საპატრიარქოში პრობლემები მას შემდეგ წარმოიშვა, რაც იქ შორენა თეთრუაშვილი „რუხი კარდინალის“ სახით გაბატონდა.

მეუფე პეტრეს თქმით, მდივან-რფერენეტი განუსაზღვრელი ძალაუფლებით სარგებლობს, გარდა ამისა, მიტროპოლიტის თქმით, შორენა თეთრუაშვილი, რომელიც არ არის ბიზნესვუმენი და არ არის ბიზნესმენის მეუღლე, არის ყველაზე დიდი უძრავი ქონების მქონე და ყველაზე მდიდარი.

მეუფე პეტრეს თქმითვე, შორენა თეთრუაშვილი „რუსეთის ყველაზე დიდი დასაყრდენია საქართველოში, საქართველოს მართლმადიდებლურ ეკლესიაში".

მონიკა დავლიანიძე