მსოფლიო

ძლიერი ტაიფუნის შემდეგ იაპონიას მიწისძვრა დაატყდა თავს

იაპონიის ჩრდილოეთ კონძულ ჰოკაიდოზე 6.7 მაგნიტუდის სიმძლავრის მიწისძვრა მოხდა, რომელმაც მეწყერი გამოიწვია. დაიღუპა სულ მცირე, 8 ადამიანი, 40 კი დაკარგულად ითვლება.

მიწისძვრის შემდეგ ცუნამის საფრთხე არ დაფიქსირებულა.

ადგილობრივმა ხელისუფლებამ გააფრთხილა მოსახლეობა ბიძგების შესაძლო განმეორების შესახებ და სიფრთხილისკენ მოუწოდა.

3 მილიონამდე სახლს ელეტროენერგია არ მიეწოდება.

მიწისძვრამდე იაპონიას ბოლო 25 წელიწადში ყველაზე ძლიერი ტაიფუნი ჯები დაატყდა თავს, რომელსაც 10 ადამიანი ემსხვერპლა და მოჰყვა დიდი ზიანი.