კომენტარი

ძალიან ცუდია, როცა ტელეკომპანიას იძულებით უწევს საკუთარი ეთერის გათიშვა - დავით ბაქრაძე

ნაბიჯი, რომელიც გადადგა ტელეკომპანიამ იძულებითია, - განუცხადა ჟურნალისტებს საპარლამენტო უმცირესობის წევრმა, დავით ბაქრაძემ რუსთავი 2-ის მიერ მაუწყებლობის საპროტესტო რეჟიმზე გადასვლის კომენტირებისას.

,,ყველა მონაცემი მიუთითებს, რომ რუსთავი 2-თან დაკავშირებით საქმე უკვე არის გადაწყვეტილების დასკვნით სტადიაზე და სამწუხაროდ, ალბათ, ეს იქნება გაგრძელება იმ უკანონობის, რომელიც ჩვენ ვიხილეთ წინა ეტაპებზე. მთელი ეს ბრძოლა, რომელიც მიმდინარეობს, მათ შორის ბოლო ეტაპის ბრძოლა უკვე ნიკა გვარამიას წინააღმდეგაც, მიანიშნებს იმას, რომ ხელისუფლებას საქართველოს საერთაშორისო ინტერესების, მისი შიდა დემოკრატიის საზიანოდ, ამ ყველაფრის მიუხედავად, ბოლომდე აქვს გადაწყვეტილი რუსთავი 2-ის წაღება.

ძალიან ცუდია, როცა ტელეკომპანიას იძულებით უწევს საკუთარი ეთერის გათიშვა საპროტესტო აქციის ნიშნად. ეს არის იძულებითი ნაბიჯი, რომელიც იმედი მაქვს საზოგადოებაში რეზონანსს გამოიწვევს და იმედი მაქვს, რომ სიტყვის თავისუფლების აქციაზე ძალიან ბევრი ადამიანი მოვა”, - განაცხადა დავით ბაქრაძემ

ნინო ექვთიმიშვილი