კომენტარი

ძალიან სამწუხაროა, რომ თვითგანადგურების რეჟიმზე გადავიდა საქართველოს საპატრიარქო - ნიკა გვარამია

დეკანოზ მამალაძის საკითხზე საპატრიარქოს დღევანდელ განცხადებას „რუსთავი2“-ის გენერალური დირექტორი და დეკანოზ მამალაძის ადვოკატი ნიკა გვარამია სოციალურ ქსელში ეხმაურება.

“საპატრიარქომ დღეს პრაქტიკულად ღიად მოითხოვა დეკანოზი მამალაძის პატიმრობაში დატოვება. ადამიანი არ არის დამნაშავე და რა მოინანიოს? ან საპატრიარქოს შუამდგომლობით შეწყალებულმა რომელმა პირმა აღიარა ან მოინანია დანაშაული? მაგალითად ბატონებმა ბათიაშვილმა, მირცხულავამ და ასე შემდეგ? რატომ ცრუობთ? თუ საეკლესიო დანაშაული აქვს ჩადენილი და ეს უნდა მოინანიოს, გაარჩიეთ შიგნით. რატომ გამოგაქვთ ეს საჯაროდ და რატომ ძალადობთ ერზე თქვენი შიდა საკითხებით? განსაკუთრებული ძალადობის ფორმაა რაღაც წერილი, რომლის გამოქვეყნებით ახლა უკვე საპატრიარქო გვემუქრება.

მანამდეც და ახლაც, მოვუწოდებ დეკანოზ მამალაძეს, თუ რაიმე შეცდომა დაუშვა და შანტაჟის ენით სცადა საკუთარი თავის მძიმე მდგომარეობიდან დახსნა (რაც მის ფსიქიკურ მდგომარეობაში სავსებით შესაძლოა შეშლოდა), დაუყოვნებლივ შეწყვიტოს და მეტიც, გაემიჯნოს ამ საქციელს.

არც ისაა შემთხვევითი, რომ თიბისის და უმრავლესობის დაშლის ამბებს დაემთხვა დღევანდელი განცხადება. ამას მარტივად გადაფარვის მცდელობა ქვია და სრულიად დარწმუნებული ვარ, ხელისუფლების დაკვეთაა.

მამა ანდრია ჯაღმაიძეს მინდა ვუთხრა, რომ ის თავისი ქმედებებით (რუსთავი 2ის ბრიფინგზე არდაშვების მცდელობა მათ შორის ყველაზე ნაკლები ცოდვაა) იგი მტრობს და ზიანს აყენებს ქრთულ მართლმადიდებელ ეკლესიას და ასევე აკნინებს იმ დაწესებულებას, რომელსაც თავად წარმოადგენს - საქართველოს საპატრიარქოს.

ძალიან სამწუხაროა, რომ თვითგანადგურების რეჟიმზე გადავიდა საქართველოს საპატრიარქო და ქართული მართლმადიდებელი ეკლესიის მართვის ნაცვლად, მისი დაზიანების კამპანიაში ჩაერთო ბიძინა ივანიშვილთან ერთად, ან, რაც უარესია, მისი დაკვეთით,”- წერს ნიკა გვარამია ფეისბუკზე.