კომენტარი

ძალიან დიდი შრომა უნდა გავაგრძელოთ, რომ ადამიანების ნდობა მოვიპოვოთ – ელენე ხოშტარია

პარტია „ევროპული საქართველოს“ თბილისის მერობის კანდიდატის ელენე ხოშტარის შეფასებით, მიუხედავად დღევანდელი გამარჯვებისა, „ქართული ოცნება“ ხვალიდან ზურგს შეაქცევს ადამიანებს.

ამასთან, ხოშტარიამ აღნიშნა, რომ „ევროპულმა საქართველომ“, ახლად შექმნილმა პარტიამ მნიშვნელოვანი ნდობა მოიპოვა მოსახლეობის მხრიდან.

„ჩვენ ძალიან დიდი შრომა უნდა გავაგრძელოთ, რომ ადამიანების ნდობა მოვიპოვოთ “ქართული ოცნებისგან“ განსვავებით, რომელმაც დღეს მანდატი მოიპოვა დარღვევებით. ძალიან ცხადი იყო, რომ მათ ძალიან დიდი ადმინისტრაციული რესურსი გამოიყენეს. მიუხედავად იმისა,რომ მათ დღეს ეს ხმები მოიპოვეს, დარწმუნებული ვარ, რომ ისინი ხვალიდან იმ ადამიანებს ისევ ზურგს შეაქცევენ, რომლებსაც დღეს ფულს ურიგებდნენ, კარტოფილს ურიგებდნენ.
ეს ეგზიტპოლების შედეგია, ცხადია, ჩვენ უნდა დაველოდოთ საბოლოო მონაცემებს და საბოლოო დასკვნებს მერე გავაკეთებთ. მაგრამ უკვე ცხადია, რომ „ევროპული საქართველო“ ახლად შექმნილი პარტია, მე როგორც ახალი პოლიტიკოსი, მივიღე ძალიან მნიშვნელოვანი მანდატი, მნიშნელოვანი ნდობა ჩვენი მოსახლეობის მხრიდან“,–აღნიშნა პოლიტიკოსმა.

მონიკა დავლიანიძე