კომენტარი

ძალიან ბევრი ისეთი რამ დავინახე, რაც აუცილებლად ახლა არის დასაწყები - გიორგი კვირიკაშვილი

პრემიერ-მინისტრმა გიორგი კვირიკაშვილმა საზაფხულო ტურისტული სეზონი შეაჯამა და დადებითად შეაფასა.

მინისტრთა კაბინეტის წევრებთან გამართულ შეხვედრაზე, კვირიკაშვილმა აღნიშნა, რომ წელს ტურისტების ნაკადი საქართველოში შარდანდელზე მაღალი იყო, თუმცა ამის მიუხედავად არსებობს ხარვეზები, რომლებიც უნდა გამოსწორდეს. მისი თქმით, ესენია მაგალითად, სატრანსპორტო სისტემა და ექსკურსია მძღოლების საკითხი.

პრემიერ-მინისტრმა აღნიშნა, რომ მთავრობასთან ერთად და მინისტრებთან ერთად ამაზე ზრუნვა დღეიდან უნდა დაიწყოს.

,,მომავალი ზაფხულის სეზონისთვის დღესვე არის დასაწყები ანალიზი, დავუშვათ, სად გვაქვს ჩვენ ნაკლოვანებები, რაზე უნდა გავაკეთოთ აქცენტი.

შევისწავლე ის შენიშვნები და კომენტარები, რომლის სისტემატიზაციაც ჩვენ გავაკეთეთ. ძალიან ბევრი ისეთი რამ დავინახე, რაც აუცილებლად ახლა არის დასაწყები, იმისათვის, რომ მომავალი წლისთვის ჩვენ კიდევ უფრო მომზადებული შევხვდეთ და მე ვფიქრობ, რომ ჩვენ ტურიზმის ზრდა გვექნება ისევე როგორც ზამთარში, მომავალ წელსაც“, - განაცხადა

ნინო ექვთიმიშვილი