კომენტარი

„ძალა ერთობაშია“-ს რეგისტრატორის მტკიცებით, საარჩევნო უბნის ერთი საათით დატოვების სანაცვლოდ „ქართული ოცნების“ წარმომადგენელი მას ფულს სთავაზობდა

გაერთიანებული ოპოზიცია „ძალა ერთობაშია“-ს რეგისტრატორის გიგა მიქავას ინფორმაციით, „ქართული ოცნების“ წარმომადგენელმა ერთი საათით, 17:00-დან 18:00 საათამდე ფოთის 23-ე საარჩევნო უბნის დატოვება მოსთხოვა, რის სანაცვლოდ ჯამში 1000 ლარს დაპირდა.

„კურიერმა“ ამ საუბრის სავარაუდო აუდიოჩანაწერი გამოაქვეყნა.

„უნდა გაქრე ან წახვიდე ხმის მისაცემად, ვიცით, სადაც აძლევ ხმას, ან საჭმელად ჩახვიდე... შენ რომ ამას გააკეთებ, შენ ჩვენგან მიიღებ 500 ლარს,“ - ამის შესახებ საუბრობს, სავარაუდოდ, „ოცნების“ წარმომადგენელი აუდიოჩანაწერში.

მიქავას თქმით, „ქართული ოცნება“, სავარაუდოდ, ამ დროს აპირებს ამომრჩევლების მობილიზებას.

„ის ადამიანი ითხოვდა უშუალოდ 17:00-დან 18:00 საათის მონაკვეთში, ერთი საათით, მე უბნიდან უნდა გავსულიყავი და ის მოიყვანდა მისთვის სასურველ ადამიანებს, თავიანთ რეგისტრატორებთან, რომლებიც არიან მისთვის გამწვანებულები. ესენი ითხოვდნენ ამ შეთავაზების მოთხოვნის მიღებას ჩემზე, რის სანაცვლოდ იძლეოდნენ 500 ლარს პირველ ეტაპზე. მეორე ეტაპზე, ანუ არჩევნების დასრულებისთანავე, მეორე 500 ლარს,“, -უთხრა მიქავამ „კურიერს“.