მსოფლიო

დონალდ ტრამპმა თეთრი სახლის ადმინისტრაციას ჯონ მაკკეინზე პრესრელიზის გამოქვეყნება აუკრძალა

აშშ-ის პრეზიდენტმა დონალდ ტრამპმა აუკრძალა თეთრ სახლს, გამოექვეყნებინა პრესრელიზი, სადაც იქნებოდა ჩამოთვლილი გარდაცვლილი სენატორის, ჯონ მაკკეინის მიღწევები. ამის შესახებ The Washington Post-ი თეთრი სახლის ყოფილ და ამჟამინდელ თანამშრომლებზე დაყრდნობით იუწყება.

აშშ-ის პრეზიდენტის ადმინისტრაციამ წინასწარ მოამზადა განცხადება მაკკეინზე, რომელშიც ის „გმირადაა“ შერაცხული, ასევე აღნიშნულია მისი მონაწილეობა ვიეტნამის ომსა და მუშაობა სენატში. მაკკეინის გარდაცვალების შემდეგ პრესრელიზი დაარედაქტირეს და ტრამპს მიაწოდეს, თუმცა აშშ-ის პრეზიდენტმა მისი გამოქვეყნება აკრძალა.

ამის მაგივრად ტრამპმა საკუთარ ტვიტერზე მოკლე პოსტი დაწერა, სადაც მწუხარება გამოხატა ამერიკელი პოლიტიკოსის გარდაცვალებასთან დაკავშირებით.

„ჩემი ღრმა მწუხარება და პატივისცემა სენატორ ჯონ მაკეინის ოჯახს. ჩვენი გულები და ლოცვა თქვენთანაა!“, -დაწერა ტრამპმა.

მაკკეინი ორი დღის წინ 81 წლის ასაკში გარდაიცვალა. მისი დაკრძალვა მერილენდის ქალაქ ანაპოლისში გაიმართაება. დაკრძალვაზე დონალდ ტრამპი არ დაუპატიჟებიათ.

თვითონ მაკკეინი ბოლო თვეებში ხშირად აკრიტიკებდა ტრაპმს და აცხადებდა, რომ არ სურდა მისი ხილვა თავის დაკრძალვაზე.