მსოფლიო

დონალდ ტრამპმა სირიაში შექმნილ „ჰუმანიტარულ სირცხვილში“ რუსეთი დაადანაშაულა

აშშ-ის პრეზიდენტმა დონალდ ტრამპმა რუსეთი ირანთან და სირიის ხელისუფლებასთან ერთად სირიაში შექმნილ ჰუმანიტარულ კრიზისში დაადანაშაულა. ამის შესახებ მან ავსტრალიის პრემიერ-მინისტრ მალკომ ტერნბულთან ერთობლივ პრესკონფერენციაზე განაცხადა.

„ის, რაც ცოტა ხნის ხნის წინ რუსეთმა, ირანმა და სირიამ გააკეთეს არის ჰუმანიტარული სირცხვილი“, -თქვა ტრამპმა.

მისივე თქმით, ამერიკელი სამხედროები სირიაში ერთადერთი მიზნით იმყოფებიან - გაანადგურონ ტერორისტული ორგანიზაცია „ისლამური სახელმწიფო“.

„სხვა მიზეზები არ გვაქვს და ბევრში მიზანს მივაღწიეთ. მაგრამ ის, რაც ამ სამმა ქვეყანამ გააკეთა ამ მცირე დროში, არის სირცხვილი“, -აღნიშნა ტრამპმა.