მსოფლიო

დონალდ ტრამპმა რეჯეპ ტაიპ ერდოღანს რეფერენდუმზე გამარჯვება მიულოცა

ამერიკის პრეზიდენტმა დონალდ ტრამპმა, თურქეთის პრეზიდენტს რეჯეპ ტაიპ ერდოღანს სატელეფონო საუბრის დროს რეფერენდუმზე გამარჯვება მიულოცა.

ამის შესახებ თეთრი სახლის განცხადებაშია ნათქვამი.

გარდა ამისა, ტრამპმა ერდოღანს მადლობა „სირიის რეჟიმის წინააღმდეგ ამერიკის მიერ გადადგმული ნაბიჯების მხარდაჭერისთვის“ გადაუხადა.

„ორი ქვეყნის ლიდერი თანხმდება, რომ სირიის პრეზიდენტმა ბაშარ ალ ასადმა მომხდარზე პასუხისმგებლობა უნდა აიღოს“,-ნათქვამია თეთრი სახლის განცხადებაში.

მსოფლიოს ლიდერებს შორის, ვინც ერდოღანს გამარჯვება მოულოცა, არიან ბელორუსის პრეზიდენტი ალექსანდრე ლუკაშენკო, აზერბაიჯანის პრეზიდენტი ილჰამ ალიევი.

კრემლში მსგავსი განცხადება არ გაუკეთებიათ. თუმცა, რუსეთის პრეზიდენტის პრეს-მდივანმა დიმიტრიო პესკოვმა განაცხადა, რომ „რეფერენდუმის გამართვა - თურქეთის სუვერენული უფლებაა“ და მსოფლიო ლიდერებს მოუწოდა პატივისცემით მოეპრყონ თურქი ხალხის გადაწყვეტილებას.

მონიკა დავლიანიძე