მსოფლიო

დონალდ ტრამპმა პირველივე ბრძანებით „ობამაქეას“ რეალიზაცია შეასუსტა

ამერიკის 45-ე პრეზიდენტმა დონალდ ტრამპმა, ინაუგურაციის შემდეგ, პირველ ბრძანებას მოაწერა ხელი, რომელშიც ფედერალურ ხელისუფლებას დაავალა, შეასუსტონ ჯანდაცვის მასშტაბური რეფორმა, რომელიც ბარაქ ობამას მიერ იყო შემოღებული.

მედიის ინფორმაციით, ტრამპმა ბრძანებას ხელი თეთრი სახლის ოვალურ კაბინეტში მოაწერა. პროცესს ვიცე-პრეზიდენტი მაიკ პენსი და პრეზიდენტის ადმინისტრაციის ხელმძღვანელი რაინს პრიბუსი ესწრებოდნენ.

ტრამპმა აღნიშნა, რომ ბრძანება მიმართულია „ეკონომიკური ტვირთის მინიმიზაციისკენ“, რომელიც, მისი თქმით, 2010 წლის გადაწყვეტილებით „ხელმისაწვდომი ჯანდაცვის ფარგლებში“ იქნა შემოღებული.

ცნობისთვის: ჯანდაცვის რეფორმა 44-ე პრეზიდენტის ბარაქ ობამას მიერ იყო შემუშავებული.

ქვეყანაში სამედიცინო რეფორმა ბოლოს 1960 წლებში გატარდა, მაშინდელი პრეზიდენტის ლინდონ ბეინს ჯონსის მიერ. 60-ან წლებში შეიქმნა სახელმწიფო პროგრამები Madicare და Madicaid.

უკანასკნელი 30 წლის განმავლობაში ამერიკაში ჯანდაცვაზე ხარჯი არაპროპორციულად გაიზარდა, ამასთან, მომსახურების გაუმჯობესება ამას არ გამოუწვევია. ადამიანის დაზღვევის ხარჯი ორჯერ გაიზარდა. მოსახლეობის მნიშვნელოვანი ნაწილი კი დაუზღვეველი რჩებოდა და მათი რიცხვი მატულობდა.

Medicare-სა და Medicaid-ის ღირებულების ზრდა,ამერიკის ბიუჯეტის დეფიციტის ერთ-ერთი მიზეზი გახდა.

ბარაქ ობამამ კი ჯანმრთელობის დაზღვევის ახალი პროგრამა წარადგინა, რომელიც 50 მილიონი დაუზღვეველ ადამიანს მოიცავდა, ასევე, არსებული პოლისებით სარგებლობის გაუმჯობესებას.
ამერიკის კონგრესმა 2010 წლის 21 მარტს ჯანდაცვის რეფორმა დაამტკიცა, რომელსაც „Obamacare” ეწოდა.

პროგრამა 10 წელზე იყო გათვლილი და ამერიკის ბიუჯეტს 940 მილიარდ დოლარი დაუჯდებოდა. რეფორმის ავტორები მიიჩნევდნენ, რომ რეფორმის ხანგრძლივობა პაციენტებს, ბაზრის მონაწილეებს მასთან ადაპტირების შესაძლებლობას მისცემდა.

თუმცა რეფორმის მოწინააღმდეგეები ამტკიცებდნენ, რომ რეფორმა ადამიანს არჩევანის თავისუფლებას ართმევს, ზრდის ხარჯს და გადასახადებს.

წინასაარჩევნო კამპანიის დროს დონალდ ტრამპი აღნიშული კანონის წინააღმდეგ გამოდიოდა და პირობას დებდა, რომ მას გააუქმებდა და სხვა აქტით ჩაანაცვლებდა.

მონიკა დავლიანიძე