მსოფლიო

დონალდ ტრამპმა იმ ქვეყნების ნაწილი, საიდანაც ემიგრანტები ჩადიან, „დამპალი ხვრელები“ უწოდა - CNN

აშშ-ის პრეზიდენტმა დონალდ ტრამპმა კანონმდებლებთან თეთრ სახლში გამართულ შეხვედრაზე იმ ქვეყნების ნაწილი, საიდანაც აშშ-ში მიგრენტები ჩადიან, „დამპალი ხვრელები“ უწოდა.

როგორც წყარომ CNN-ს უამბო, მხარეები ოვალურ კაბინეტში საიმიგრაციო პრობლემებს განიხილავდნენ. როცა ილინოისის დემოკრატმა სენატორმა დიკ დურბანმა ჰაიტის შეეხო, ტრამპმა შემდეგი კითხვა დაუსვა, თუ რაში სჭირდება აშშ-ს ჰაიტიდან და აფრიკის ქვეყნებიდან, ანუ „დამპალი ხვრელებიდან“ ჩამოსული ხალხი.

როგორც წყარომ ამერიკულ მედიასაშუალებას განუმარტა, ტრამპმა დაამატა, რომ აშშ-ს სჭირდება მიგრანტები ნორვეგიისნაირი ქვეყნებიდან.

თეთრი სახლის პრესსპიკერმა რაჯ შაჰმა არ უარყო ეს ინფორმაცია, თუმცა აღნიშნა, რომ „პრეზიდენტი ეძებს საბოლოო გადაწყვეტილებას, რომლითაც აშშ უფრო ძლიერი გახდება იმისათვის, რომ მიიღოს ისინი, ვინც სარგებელს მოუტანს ქვეყანას და ხელს შეუწყობს ეკონომიკის ზრდას“.

ანა მებურიშვილი