მსოფლიო

დონალდ ტრამპმა აშშ-ის პრეზიდენტთა რეიტინგში ბოლო ადგილი დაიკავა

აშშ-ის მოქმედი პრეზიდენტი დონალდ ტრამპი ყველაზე არაპოპულარული პრეზიდენტია ქვეყნის ისტორიაში. ასეთი დასკვნა დადო აიდაჰოს შტატ ბოისესა და ჰიუსტონის უნივერსიტეტებში ჩატარებულმა მეცნიერ-პოლიტოლოგთა გამოკითხვამ.

ტრამპის გამო ბოლო ადგილიდან ბოლოსწინაზე გადაინაცვლა აშშ-ის მე-15 პრეზიდენტი ჯეიმს ბიუკენენი, რომელიც სტაბილურად ინარჩუნებდა ყველაზე არაპოპულარული და ცუდი პრეზიდენტის რეპუტაციას. ბოლო გამოკითხვით ის 43-ე ადგილს იკავებს, ტრამპი კი - 44-ეს.

გამოკითხვაში პოლიტიკურ მეცნიერებათა ამერიკული ასოციაციის საპრეზიდენტო სექციის 170-მა წევრმა მიიღო მოანაწილეობა. მათ სთხოვეს, შეეფასებინათ აშშ-ის პრეზიდენტების საქმიანობა 0-დან 100-მდე. ტრამპმა 100-დან 12,34 ქულა აიღო.

პირველი ადგილი, როგორც წინა წელს, დაიკავა აშშ-ის მე-16 პრეზიდენტმა აბრაამ ლინკოლნმა. მას მოჰყვებიან აშშ-ის პირველი პრეზიდენტი ჯორჯ ვაშიონგტონი და ქვეყნის 32-ე პრეზიდენტი ფრანკლინ რუზველტი. ტრამპის წინამორბედმა, ბარაქ ობამამ მე-8 ადგილი დაიკავა, რაც წინა გამოკითხვის შედეგებთან შედარებით 10 საფეხურითაა გაუმჯობესებული.