კომენტარი

დმანისის მუნიციპალიტეტში ყურანზე დაფიცების ფაქტთან დაკავშირებით, „ქართულმა ოცნებამ“ მკაცრი დირექტივა გასცა-თეა წულუკიანი

იუსტიციის მინისტრის, უწყებათაშორისი კომისიის თავმჯდომარის, თეა წულუკიანის თქმით, დმანისის მუნიციპალიტეტში ყურანზე დაფიცების ფაქტთან დაკავშირებით, „ქართულმა ოცნებამ“ თავის აქტივზე მკაცრი დირექტივა გასცა.

მისივე თქმით, თუ მსგავსი ფაქტი ნამდვილად მოხდა, ამას სამართალდამცავი ორგანოები დაადგენენ.

ამის შესახებ წულუკიანმა უწყებათაშორისი კომისიის სხდომის დასრულების შემდეგ ჟურნალისტებს განუცხადა.

„არის დმანისის მუნიციპალიტეტში ყურანზე დაფიცების ფაქტები. მოვისმინეთ „ქართული ოცნებისგან“ ინფორმაცია, რომ მათ უმკაცრესი დირექტივები გასცეს თავიანთ აქტივზე. თუ ამგვარი, რამ იყო მომხდარი და ამას უკვე სამართალდამცავი ორგანოები დაადგენენ, მომავალში ყველამ თავი უნდა შეიკავოს მსგავსი ქმედებისგან“,-განმარტა თეა წულუკიანმა.

მონიკა დავლიანიძე