მსოფლიო

ჯორჯ სოროსმა თავის ფონდ ღია საზოგაოდებას 18 მილიარდი დოლარი გადაურიცხა

87 წლის უნგრული წარმოშობის ამერიკელმა მილიარდერმა ჯორჯ სოროსმა თავის არასამთავრობო ორგანიზაცია „ფონდ ღია საზოგადოებას“ თავისი ქონების უდიდესი ნაწილი - 18 მილიარდი დოლარი გადაურიცხა. ამის შესახებ Wall Street Journal-ი წერს.

ამ გადარიცხვის შემდეგ „ფონდი ღია საზოგაოდება“ აშშ-ის რიგით მეორე უდიდესი არასამთავრობო ფილანტროპიული ორგანიზაცია გახდა. ის მხოლოდ ბილ და მელინდა გეიტსების ფონდს ჩამორჩება.

„ფონდი ღია საზოგადოებას“ 2017 წლის ბიუჯეტი 940.7 მილიონ დოლარს შეადგენს.

სოროსმა „ფონდი ღია საზოგაოდება“ 1079 წელს დააარსა აღმოსავლეთ ევროპაში კომუნიზმთან საბრძოლველად. 1984 წელს მან ფონდი თავის მშობლიურ უნგრეთში გახსნა. ორგანიზაცია ემსახურებოდა უნგრეთის სასწავლო დაწესებულების ეტაპობრივ კომპიუტერიზაციასა და ინფორმაციის გასავრცელებლად ქსეროქსის აპარატების შეტანას. ფონდის თავდაპირველი მიზანი იყო სოციალისტური და პრო-საბჭოთა წყობების დასუსტება და დემოკრატიული პრინციპების მხარდაჭერა.

მთელ მსოფლიოში ფონდის 40 წარმომადგენლობა მუშაობს, მათ შორის საქართველოში. ქსელში გაერთიანებული ოფისები აფინანსებენ საგანმანათლებლო, კულტურული თუ სამოქალაქო ინიციატივების პროექტებს.

ღია საზოგადოების ფონდმა 1994 წლიდან საქართველოში მუშაობა ახალგაზრდების განათლების ხელშეწყობით, ქართული ეროვნული კულტურული მემკვიდრეობის შენარჩუნებითა და სოციალურ-ეკონომიკური პროექტების განხორციელებით დაიწყო.

ანა მებურიშვილი