კომენტარი

„ჯაველინის“ მიყიდვასთან დაკავშირებით კონგრესმა დადებით გადაწყეტილება უნდა მიიღოს - ამირან სალუქვაძე

ექსპერტი ამირან საკლუქვაძე მიიჩნევს, რომ ამერიკის კონგრესი საქართველოსთვის სარაკეტო სისტემის მიყიდვის გადაწყვეტილებას მხარს დაუჭერს.

ექსპერტის აზრით, ამერიკის კონგრესს გაუმარტივდება გადაწყევტილების მიღება, რადგან საქართველოში საბრძოლო მოქმედებები არ მიმდინარეობს.

„საბოლოო გადაწყვეტილება კონგრესმა უნდა მიიღოს, ასეთი გადაწყვეტილების მოლოდინშია უკრაინაც, რომელიც კონგრესის დადებით პოზიციას დიდი ხანია ელოდება. უნდა გვქონდეს იმედი, რომ ჩვენთან მიმართებაში დადებითი გადაწყეტილება იქნება მიღებული, რადგან აქ აქტიური საბრძოლო მოქმედებები არ მიმდინარეობს , როგორც დონბასშია და პოლიტიკურად ამერიკისთვის უფრო იოლი არის ამ გადაწყვეტილებაზე წასვლა“,-აღნიშნა ამირან სალუქვაძემ.

ამერიკის თავდაცვის უსაფრთხოებოს სააგენტომ კონგრესს აცნობა, რომ სახელმწიფო დეპარტამენტმა საქართველოსთის „ჯაველინის“ ტიპის სარაკეტო დანადგარების მიყიდვას მხარი დაუჭირა.

საუბარია 410 რაკეტაზე, 72 დანადგარსა და სასწავლო მოდელებზე, რომელთა საერთო ღირებულება 75 მილიონი დოლარია.

მონიკა დავლიანიძე