მსოფლიო

ჯამალ ჰაშოღჯი ჩხუბის დროს დაიღუპა - საუდის არაბეთის ხელისუფლებამ დუმილი დაარღვია

საუდის არაბეთის მთავრობის განცხადებით, ჟურნალისტი ჯამალ ჰაშოღჯი დაიღუპა სტამბულში, საუდის არაბეთის საკონსულოში მომხდარი ჩხუბის დროს.

ერ-რიადმა პირველად აღაიარა ჰაშოღჯის დაღუპვა, მანამდე საუდის არაბეთი უარყოფდა რამე კავშირს ჟურნალისტის გაუჩინარებასთან და სავარაუდო მკვლელობასთან.

ოფიციალური განცხადების თანახმად, ამ საქმის გამო გაათავისუფლეს გამოძიების უფროსის მოადგილე აჰმად ალ-ასირი და მემკვირე პრინცის მოჰამედ ბინ სალმანის უფროსი დამხმარე საუდ ალ-ქაჰტანი.

The New York Times-ის წყაროს ინფორმაციით, აჰმედ ასირიმ სტამბულში 15-კაციანი ჯგუფი გაგაზავნა ჰაშოღჯის საუდის არაბეთში დასაბრუნებლად, თუმცა ბრძანება არასწორად იყო ინტერპრეტირებული შემსრულებლების მიერ. დაზვერვის თანამშრომლების დანახვისას ჟურნალისტმა გაქცევა სცადა, რასაც ჩხუბი მოჰყვა, რომლის დროს ჰაშოღჯი შემოაკვდათ.

The New York Times-ის ინფორმაციით, სულ დაკავებულია 18 ადამიანი, აქედან 15 დაზვერვის თანამშრომელი, რომლებმაც სტამბულის ოპერაციაში მიიღეს მონაწილეობა.