კომენტარი

დიდუბის ტერიტორიაზე გარევაჭრობა ისევე მოწესრიგდება, როგორც სხვა ადგილებში - დავით ნარმანია

გარევაჭრობა დიდუბის ტერიტორიაზე ისე მოწესრიგდება, როგორც დედაქალაქის სხვა უბნებში, - განუცხადა ჟურნალისტებს თბილისის მერმა, დავით ნარმანიამ.

დედაქალაქის მერი გამოეხმაურა მეტრო ”დიდუბის” მიმდებარედ ერთ-ერთი ბაზრობის მოვაჭრეების აქციას.

გარემოვაჭრეები მერისგან ითხოვენ, აიკრძალოს გარევაჭრობა დიდუბის ტერიტორიაზე ისევე როგორც ეს თბილისის სხვა ტერიტორიებზე მოხდა. აქციის მონაწილეები ასევე, მერიისგან მოსაზღვრე ბაზრობასთან კედლის დემონტაჟს მოითხოვენ.

დიდუბის ტერიტორიაზე, ისე როგორც სხვა ტერიტორიებზე, გარევაჭრობა მოწესრიგდება.

”რასაკვირველია, დიდუბის ტერიტორიაზე გარევაჭრობა ისევე მოწესრიგდება, როგორც სხვა ადგილებში - მეტრო ”მარჯანიშვილის” მიმდებარედ და სხვა ტერიტორიებზე. მნიშვნელოვანია, რომ ცივილურად ვივაჭროთ. ვაჭრობა, ერთი მხრივ, იყოს ლეგალიზებული, მეორე მხრივ, დაცული იყოს სურსათის უვნებლობისა და უსაფრთხოებასთან დაკავშირებული წესები, რომელსაც პერიოდულად სოფლის მეურნეობის სამინისტრო ამოწმებს. დიდუბის ტერიტორიაზე ვაჭრობაც აუცილებლად ამ წესებში მოექცევა.

რაც შეეხება ჭიშკრის გახსნას, ეს ორ კომპანიას შორის მიმდინარე დავაა. თბილისის მერია ამ საკითხებში ჩართულია, თუმცა მისი აღსრულება დადგენილი წესით და ნორმით უნდა მოხდეს, ამ საკითხზეც მიმდინარეობს მუშაობა”, - განაცხადა ნარმანიამ.

ნინო ექვთიმიშვილი